![](https://londonkavi.com/wp-content/uploads/2024/01/javardh-URLlQPnfG6Y-unsplash-scaled.jpg)
සඳ මැනික
සදවතිය මගෙ මැණික
හිත නුඹයි සොයන්නේ
මාසෙටම ටික දොහයි
හරියකට දකින්නේ
වළාකුළු ඇයිද නුඹ
සඳ මැණික වහන්නේ
නුඹත් ඇය සිපගන්න
වගේ මග බලන්නේ
අමාවකදාට මට
මහ දුකක් දැනෙන්නේ
සඳ මැණික නැති නිසයි
පාළුවෙන් තැවෙන්නේ
නෙත් කැල්ම තමා නුඹෙ
තරැ වගේ පේන්නේ
සඳ මැණික නැති දාට
තරැයි තනි රකින්නේ
සඳ මැණික ඇයි හිරුට
හරි සැරයි කියන්නේ
ආදරේ ගින්නෙනුයි
මාත් මේ දැවෙන්නේ
සුදු මුහුන දැක ගන්න
මාත් ලොබ බදින්නෙ
මම එද්දි නුඹ යද්දි
කොහොම පෙම් කරන්නේ
රළු පරලු හිත් වලත්
ආදරේ තියෙන්නේ
සඳ මැණික රැවුවාට
මම ආදරෙයිනේ
Photo by ; Javardh