රැය මැදියමේ මංසල්වල පුතු වඩලා
පිය උණුසුමක් දරුවට දෙන්නට සිතලා
බැලු මෝහිණියෙ තනි මවකව දුක් විඳලා
යළි ඩියුටියට කැඳවමි මේ දැන් ඉඳලා

අත නොහරිමියි තව දහසක් බොරු කියලා
අසරණ ලඳුන් රවටා ගැබිණියො කරලා
පැනයන අවලමුන් මෝහිණියේ සොයලා
ඔබපන් කටේ අහවල් අවයවෙ කඩලා

දරුවො තනා අතහැරදා තනිකරලා
ඉටුවිය යුතු යුතුකම් හැම මගහැරලා
පියවරු යන ගරු නාමෙත් කැතකරලා
ඉන්නා උන්ට ගහු මෝහිණි මගරැකලා

පොඩි දරුවන් නැති කිසි වරදක් කරලා
මඩමක දා අනාථයොයි වෙන්කරලා
දියුණුයි මොරදෙන සමාජෙ ගමු හදලා
පටන් ගනිං මෝහිණියේ මුල ඉඳලා