මිරිඟුව
ගලා යායුතු වේය පහළට
නැවතීම කළ නොහැක ගඟකට
කොහොම එකතැන හිඳිමි සදහට
දමා ගිය දා රුදුරු මගකට
පිපී හිනැහෙන සුවඳ මල්පෙති
අවට ලස්සන කරති හිනැහෙති
ලොවේ විසිතුරු දුටිමි නිම්නැති
ඔබේ ළඟ ගෑවිලාවත් නැති
කඳුකරෙන් ආ සුමුදු සුවඳක
ක්ෂිතිජයේ ලාවණික සුළඟක
මෙතෙක් පෙර අත් නොවිඳි මිහිරක
ගිලෙමි ඔබ ළඟ නැතිම මොහොතක
තුරුලු කරගත් පැටව් රෑනයි
කුරුලු මවකගෙ විරහ ගීයයි
ඇසේ ඈතින් දවස් මෝරයි
සතුන්ටත් දුක දැනෙන පාටයි
දිනෙක ඔබ ආපසුව එන කල
මා නොඉනු ඇත තැනම අත් හළ
රුසිරු දැක විඳගතිමි ලොව තුළ
ආල මිරිඟුව බොහෝ පසු කළ
නැවතීම කළ නොහැක ගඟකට
කොහොම එකතැන හිඳිමි සදහට
දමා ගිය දා රුදුරු මගකට
පිපී හිනැහෙන සුවඳ මල්පෙති
අවට ලස්සන කරති හිනැහෙති
ලොවේ විසිතුරු දුටිමි නිම්නැති
ඔබේ ළඟ ගෑවිලාවත් නැති
කඳුකරෙන් ආ සුමුදු සුවඳක
ක්ෂිතිජයේ ලාවණික සුළඟක
මෙතෙක් පෙර අත් නොවිඳි මිහිරක
ගිලෙමි ඔබ ළඟ නැතිම මොහොතක
තුරුලු කරගත් පැටව් රෑනයි
කුරුලු මවකගෙ විරහ ගීයයි
ඇසේ ඈතින් දවස් මෝරයි
සතුන්ටත් දුක දැනෙන පාටයි
දිනෙක ඔබ ආපසුව එන කල
මා නොඉනු ඇත තැනම අත් හළ
රුසිරු දැක විඳගතිමි ලොව තුළ
ආල මිරිඟුව බොහෝ පසු කළ