ෆෑන් එක කරකැවී රවුමට
හැමතැනම විහිදුවන නළ රැළි
තෙමා ගත මුදු පහස දනවයි
බිත්ති සතරක් තුළ සිරව ඇති

කට්ට කරවල තට්ටෙට ම බැද
පට්ට රසයැ‘යි කියා කති බොති
නැට්ටට ම කෙළවෙච්ච දවසට
කොට්ට උරයත් සලයි කඳුළැලි

තට්ටු දෙක තුන නගින බිල්ඩිම්
හතරවට දිදුළනා රෙදිවැල්
වතුර බිල දියකරලා යහමින්
සිංදු කියනා එකෙකි හැමකල්

සුපෙම්බර පෙම්වත් මලක් වෙත
ගයන කවි ගී අම තෙපුල්වන්
ළයාදර මල්සර හිතක ඇති
සුසුම් සුවඳින් යහන නැළැවෙත්

ඇදෙන දිග නයි දෙස බලාගෙන
තලුමරන කාරයෝ අගතැන්
විසල් පැතුමන් සිත් දරාගෙන
නිහඬ ගීයක් ගයයි සඳකැන්