ලන්ඩනයේ සිට මුදා හැරෙන ශ්‍රී ලාංකේය කවි සරණිය

නව අවුරුදු පැතුම

නව අවුරුදු පැතුම

ශ්‍රියානි උඩුගංගොඩ - මහනුවර
2022-January

ගුණ නුවණ වැඩි වන
යහ ගුණය සපිරුන
සෙනෙහෙ මල් පිබිදෙන
වේවා නව වසර හැම ලෙසින් ජයවෙන
බිළිදු සිත් සනහන
කිරි මවුන් විලසින
රෝ බියෙන් දුරුවන
සිනහ දේවා දසන් පෙන්වන
ඇති හැකි සැවොම සතුටින්
නැති බැරි අයට දෙන දිරියෙන්
එක කුස උපන් උන් විලසින්
නව වසරෙ මුළු ලොවම හිනැහෙන්
මනසින් උතුම් වෙන
ගුණ දම් වලින් සැරසුන
රුවැති නුවණැති දන
නිදුක් වේවා සතුට සමගින