දුක් අනුභවය හා වින්දනය
දුක් කඳුළු පිරි ලෝකෙට
ඇහැරෙන්නමයි හිත හෙට
පෙති අහුරු අහුරු ගිිලිමින් වුව
රිදෙන තැන් සුවපත් කොට
කෝ කොහි ද පැණි බිඳුව
දිව ගා බලන්නට හිතෙන
ඇලීම ම රස බිඳකට
දුක් දෙනව අහිමි වෙන විට
හිතට නෑ නිවනක්
කොලස්ටරොල් ෂුගර් බයිපාස්
අතට එන සොච්චමත්
ගිල දානවා පෙති ජාති
ඇස් නිිලංකාරයි දැල බැඳලා
දෙපා නැත අවනත
දැං වැටෙයි දැං වැටෙයි
හිත හූල්ලනව
පෙති නැතිව
පසුම්බිය බර නැතිව
ඒත් සැළසුම්
හෙට කරන දේ ගැන
මේ වෑයම රජ වෙන්න නොවේ
ඉදිරියෙන් යන ත්‍රිවිලරයෙ
කොටල තියෙන්නෙ අපට
ඔච්චමට
ගත රිදෙනවා එක එක තැන
දවසෙ බර ඇදල ම
හිත රිදෙනවා
ආඩපලි බැණුම්
අවලාද කතන්දර අහල ම
හිත කීරි ගැහෙනව
වියදම ආදායමට බැලන්ස් කරලම
එපා වෙනවා ජීවිතය ම
සතුට හොය හොයා ඇවිදල ම
වෙහෙසයි හරි ම වෙහෙස යි
ඒත් ඕනෑ හෙට උදේ නැඟිටින්න
රිදුම් තෙල් ගාමින්
මේ ගමන තව යන්න
කොතන රිදුනත්
මොන දුක් කඳුළු පිරුණත්
හිත කැමති ඒ දුකේ
තව එල්ලිලා ඉන්න
හීනයක්වත් නෑ
බේරිලා පැන ගන්න
අත් හැරල චුත වෙන්න.
08-01-24