සප්ත ස්වර හා තරඟ වදිමින්
පිනවමින්.දහසකුත් දෙසවන්
පහන් වෙනතුරු රෑ පහන් කළ
පැදුරු පාටියෙ සියාතු
අරුණ රැස් කෙදි වැටෙන උදයේ
නිදා වැටි වැටි පැලට එන්නේ
රැගෙන ගිය තම එකම වස්තුව
සිතාරය දෝතින් හොවා
ලැබුණු දේ දවසක්ම ගෙවලා
දවසකට වත් දිවි ගෙවන්නට
කන්න තුන් වේලකටවත් මදි
සොච්චමක් යටි මඩි ගසා

දනෝ පා පළදින සපත්තු
සෙරෙප්පුද කුඩ ලොකු පොඩි
කැඩුණු ගැලවුණු ඉරුණු හැම තැන්
මසා ලැග අගු පිලක පාරේ
එකතු කරගත් මුදල් පොජ්ජෙන්
හවස අඩියක් හෙම ගසා
දෙන්න බිරිඳට සොච්චමක් හෝ
අතේ ඇති නැති ගානටයි
සපතේරුතැන රෑ කළුවරේ
සෙයිලමේ සිට කුර ගගා විත්
අතුපැලට ගොඩ වදින්නේ

මහා වැසි මැද කළුවරේ
විෂ සතුන් අඩු නැති බිමේ
ඇවිද හෙමි හෙමිහිට වගේ
පොකුණු,වැවු,ව්ල් දිය බඳෙහි
කර වටක් ගිලෙමින් උදේ
ඕලු,මානෙල්,නෙළුම් නෙලලා
කර ගසා ගෙන අවුත්
කතරගම කිරි වෙහෙර පාරේ
කෑ ගගහා මල් ව්කුණනා
ලමිස්සියනට ව්කුණලා
ලබන සොච්චම් මුදල ඔහුගේ
දහදියට නැති සරිලනා
බොහෝ මිනිසුන් අදත් තැන තැන
දකුණු ලක ඇත ලතවෙනා