කිඹුල කනවට වඩා අසීරුව
කොහිල කටු ඇනෙන විට තමයි
ඔබෙ ඉතා සියුමැලි වෙනස් කම්
මගෙ සිතට දැනුනෙත් එහෙම මයි
අකුණු හඬ අසා සිටියත්
මදුරු කුරු කුරුව අමිහිරියි
අළු යටම ඇති පුපුරු මැද
ටිකෙන් ටික ඔබ මා දවයි
බොහෝ සේ විඩා බර සිතක
හැඟුම් සමුදාය රැළි නගයි
නෙත් විලේ දෑල තෙරපා
කඳුළු සේ රූරා ගලයි
වැටෙන බර කඳුලකි න් මිහි තලය
ඉරි තැලේදෝ මට බයයි
කඳුල පිසදා හැරියත්
ඒ දුක්ඛ නිරෝධය නෙමෙයි

Photo; Gaetano Cessati