කවි සක්විති ජී.එම්.අජිත්

කලාභුශන කිවිපති සාසනකීර්ති - දේශාභිමානී ඩබ්ලිව් කේ සරත් විමලසිරි
කලාභුශන කිවිපති සාසනකීර්ති - දේශාභිමානී ඩබ්ලිව් කේ සරත් විමලසිරි
2021-September

කවි සක්විති ජී.එම්.අජිත් සමුගෙන
අගොස්තු 11දිනට වසරක් සපිරුණි.
මේ කවිපෙළ ඒ නිමිත්තෙනි

කලාභුශන කිවිපති
සාසනකීර්ති- දේශාභිමානී
ඩබ්ලිව් කේ සරත් විමලසිරි
(අතකස මාධ්‍ය ලේකම් )

හෙළ මහ කවි සමුලු බැබළුව මිණි පහනයි
සාහිත කලා කෙත දිදුලුව කවි සිළුවයි
අතොරක් නැතිව ගැලු හිටිවන කවි ගඟුලයි
ජී.එම්.අජිත් කවි මිණ මියගොස් වසරයි

අප හා සමග අත්වැල් බැඳ ගෙවුණු යුගේ
රැකගෙන සඳැස් කවි ලොව ජීවිතය වගේ
තරු මැද දිදුල කවි ‘ඹර පෑ තරිඳු අගේ
තව වෙති බොහෝ අය ඔබ ගිය සොඳුරු මඟේ

එගොඩහ යන්න ඔරුවට අත දුන් හබලක්
වාගෙයි කිවිද ඔබ වුණෙ කවියට සරණක්
ඔබ හා පැමිණි කවි කිවිඳියො දස දහසක්
නව මං සොයා පිහිනති තුළ කවි නදියක්

ඇසි දිසි ම¿දුරු තුළ කවි හඬ නගන්නට
ඔබ ගත් වෙහෙස මෙතෙකැයි බෑ කියන්නට
කවියට කවියනට නිසි තැන පුදන්නට
ඔබ කළ මෙහෙය බැහැ නොව මිල කරන්නට

සිවු මහ ගඟුල් ගැලුවා මෙන් දෙරණ වෙළා
හිටිවෙන කවි කිවූ හදවත් දෙගොඩ තලා
හරවත් රසැති පැදි විරිතට අනුව ගලා
පිනටයි ගිලිහුණේ උරුමය උරුම වෙලා

සැරසුනු නිබඳ සුදු පැහැ ජාතික ඇඳුමෙන්
නිරතුරු සඳැස් කවි මඟ රකිමින් පණමෙන්
ධන බල නොතකමින් අ තදුන් සිටි පෙරමෙන්
කවියෙක් දැක නැතේ මා නම් තව ඔබමෙන්

දෙවුලොව සුදම් සබයේ සුරලියො විසිරී
පින් මහිමයට විඳිමින් නොමියෙන අසිරී
තරු මැද සඳක් සේ සඳ දිය ඇති විසිරී
අදටත් අජිත් කවි කියනව ඇති මිහිරී