ඉතින් ඈතක ඉඳන් විමසමි සඳේ මුව මුකුළූ
අතින් පත් ඉරුවකට වගුරමි ආදරේ අකුරූ
නෙතින් පාළුව ගලා තෙමුණි ද ළැමේ මුතු පබළූ
හිතින් හීනෙක තබන්නම් සුදු ලිලී මල් පොකුරූ
සිඹිම් ඔබ රැව පසුම්බිය තුළ මිණක් මෙන් රැඳුණූ
රකිම් තනිකම කලාගාරෙක පලසකින් ඇහිලූ
නොයෙක් ඉපැරණි සිත්තරුන්ගෙන් තිළිණ ලෙස ලැබුණූ
මෙලෙක් සිතිවිලි ගෙනෙමි ගවසා පාට රැස් වළලූ
සොඳුර පළඳමි මහද අබිසෙස් පිළිණ සඳ කිරුළූ
අතරමං වුණ කවියකුත් දෙමි මිහිරි පද සිර වූ
අතැර ලොව එමි ඔබේ පෙම් අසපුවට මට හිමි වූ
නතර කරගෙන හිඳිනු මැන ළය දහර උණු කඳුළූ
අසන්නට යළි යළිත් දුවගෙන රහස් ඔබ පැවසූ
වසන්තෙට එමි ඔබේ මිමිණුම් අම සරින් සැරසූ