වෙල් ඉපනැල්ලේ පිපුණු මල්
හසරැල්ලේ
තුසර බිංදු සිනහ පාන නව
අරුණැල්ලේ
සුව මද රැල්ලේ තනිව සිත
සැනසිල්ලේ
රඟයි සුපිපි මල් සමඟින් ගී
ඕවිල්ලේ

ගංතෙර පිපි දහසක් මල් සිනහ
නඟන්නේ
සියොත් නදයි සවන් තුලට මිහිර
සදන්නේ
ටිකිරි සිනා රැල්ලක හඬ දුරට
ඇසෙන්නේ
සිහින හැඟුම් හදවත් තුල මිහිර
මවන්නේ.

රැයෙහි තිමිර පට අතරින් ලොවට එබෙන හිරු
නිල්වන් තුරු ලිය කෙත් වතු පුබුදු කරන හිරු
රැයෙක සිහින මල් පුබුදා සුවඳ සලන හිරු
කඳු යායේ ඈත ඉඳන් ගමට වඩින් හිරු.