ලොවම නිදන මැදියම සඳරැස් ගලනා
නිවා සිත්සතන් සැනසිල්ලක් දැණුනා
පුදබිම සිතුල්පව්වේ රහතුන් විසුව
පොසොන් දිනේ සිහිළැල් සුළඟක් හමනා

සොඳුරු මතක අතරින් මුල් තැන ගන්නා
අරුමැසි දසුන කිමදැයි නිකමට සිතුනා
පුලතිසි පුරේ ගල් වෙහෙරට ගිය දවස
අසිරිය දුටු ගමන් හුස්මත් නතර වුනා

අත්විඳි නිසා අනතුරු බාදා එමටා
නුහුරු තැනක පිය මැන්නේ විමසිල්ලෙන්
රම්මල් කන්දට යද්දී නොසිතු ලෙසේ
පා පැටලුනා අකුණු ගසන වරුසාවේ

පන්හිඳ අතට ගෙන ලීවට මවා රස
දුකමය නිරතුරු රියසක මෙන් දිවියේ
පුංචි එරන් පුංචි එරන් පුංචි කලේ
නෙක ගුණ දෝන ඉසබෙල් පෙරුමල් දිගැස