හිස කකියනවා ඇඟ වෙව්ලනවා
මහවැසි වසිමින් අකුණු ගසනවා
කවුළු පියන් පත් විගස වසාලමි
නිදන කාමරේ වහලය තෙමුනත්

දරලිප ⁣⁣මොලවා කහට උගුරකට
ගන්න බෙහෙත් ටික වත් ගෙන එන්නට
වෙළඳ සැලට යමි පරිස්සමින්
අනෙකුත් අඩුවැඩි අමතක කරමින්

නිකමට මෙන් මිල ගැන ඇසුවෙමි
මුදල් අතේ නැත එය පියවන්නට
නිමේෂයක් ගතවුනිදෝ මාහට
මුළු මුදලම පියවී ඇත පුදුමෙට

කවුදෝ මා දෙස බලා ඉන්ට ඇත
කිසිදා අනුනට අතපා නැතිමුත්
ඒ අදහස දැන් බොඳවී ගොස් ඇත
හනිකට මා ඉන් පිට වී ආවෙමි

අවිගත් වාහන පිඹගෙන යනවා
දෑසම දවමින් කඳුලැල් වැටුනා
සිහින බොඳ වෙමින් වේදනාව මැද
සාප්පු බැම්මට හේත්තු වුවා