(සිය කලා දිවියට පනස්වසරක් පුරන සංසුන් පුරාණය -
කපිල කුමාර කාලිංග නම් අද්විතීය මිනිසාට )...

තෘණබර පතනෙක මුඳුන
රූස්ස වෘක්ෂයෙකි.
නිවෙස වෙත - කුඹුර වෙත
සිංදු කියනා කුරුළු දරුවන්ට.

නිසොල්මන්ව
කල්පාන්ත මේඝයට වුව
වැහිබිංදු පොළොවට
සීරුවට බස්සන
උරාගත රිසි ලෙඳ.

අඩසියවසක් මුළුල්ලේ බලාහිඳී
පහළ තැන්නේ සෙලවීම්.
බාහු සප්පංච සිප්පංචව
අෂ්ට ලෝ දහමේ අකම්පිතව.

පාර කියනා පහන් තරුවක්ව
ඉඳහිට එහි එන මවන්'
දඩයක්කරුවෙක්ට ගොපල්ලෙක්ට.

සුණුගල් මතින් මත තබා
රළු ගස් පොත්තට මුවාකර නළල
ගිනිගිරැස්ස මලක් අතුරා
දල්වන්න අවසර කුඩා පහන
මහා සංහිද පාමුල.

"සුඛී දිඝායුකෝ භව "...


මෙයට
රසිකයා,මිත්‍රයා (කුඩා මිනිසා )
චතුර එම්. විමලරත්න