දත යුතු කරුණු ගොමුව - 30 කඳුවැටිය දකුව 598. ලැබ ගෙන අසිරි දෙව් සුරිඳුන් සුමන සමන් නැබ නිල පතට පිවිස ව නුඹ සුහද සිතින් ගැබ තුළ සරා ගගනේ සිට පියවි නෙතින් බබ-ලන අයුරු දකු බුලුතොට කඳු ද ඉතින් 599. පෙර රජවරුන් ලක එක්සත් කළ අයුරින් වෙර - දිරි වඩවමින් එඩි පා සිටිනයුරින් මෙර ගිරි ලෙසින් උස් හිස් ඇති එකමයුරින් තෙර බිම් වැටිය බල බුලු කඳු පෙළ ම ඇසින් 600. හිස් ඔසවමින් උඩු ගුවනට සුළං රළේ විස්මිත ලෙසින් වනමින් උහු ළපටි දලේ දිස් වන විට දසුන් දහවල නෙතට කලේ නිස්කරු තරු මදින රැය ගැන කියමු මලේ 601. ඇද-බැඳ සිසිල සිසිලන දිය බිඳු සීරා මැද මඳ සුළං රළ අතරට විද පීරා පැද-පැද සිරස පාලා මදහස නූරා වැද-වැද ගලයි පොළොව ද සිඹ-සිඹ රූරා 602. මිහි-මත රැඳි දියර උකහා ගෙන සංඟා විහි-දත සුසැදි ජල බිඳු ලෙස දොළ-ගංඟා සිහිලස වපුල වන පෙත් අතරින් රිංඟා මිහිලිය තෙත් කරයි නිරතුරු ව ම හඬඟා 603. පසුබට නොවී නුඹ තව-තව දේ දන්න දසුනට ගොදුරු වන අයුරින් පවසන්න අසු වන මානයට නෙත් සර විහිදන්න රසුදැල සොලවමින් කවි කර සුගයන්න 604. උඩ සිට සිරිය නැරඹුම සුදුසු ම වේ ය බිම සිට එ අසිරිමත විපතට තුඩු දේ ය වන ගහණයට මැදිවුණු කඳු පෙළ මේ ය පින ඇති ඇසට “රසඳුනකි”ය රස දේ ය! (මතු සම්බන්ධයි.) 2026.10.01 Photo Credit: MITESH SAVANI