කුළුඳුලේ සිහිතලේ - දිළිඳු ගව ලෙනේ බිළිඳු ජේසු කුමරු උපන් - මහිමයේ පිනේ තාරකා පිපී ලොව - ඒකාලෝක දිදී සාම කුමරු ලොවට ම දුන්- අසිරිමත් දිනේ අසිරි නත්තලේ! අසිරි නත්තලේ!! පාපයෙන් මුදා දී - සාමයත් කළ උදා කල්වරි කන්දේ දී - කුරුසියෙ මත ම නිදා හිසෙහි කටු ගසා - වැගිරූ ලේ මතින් එදා සැම දනාගෙ පාපය - සින්ඳ ද දිවිය පුදා ජේසු සමින්ඳ ! ජේසු සමින්ඳා !! දුක් සංතාපය සෝ ගිනි - සිත් කම්පා නැති කර සති ඔබ එන්නෙ ද ඇසිල්ලකින් - සතුට දෙවාලන්නට නිති සතුට සමාදානය නිරතුරු ව - සම ලෙසින් රජයන ලොවක් තනන්නට පිවිතුරු - එනු මැන සිත් තුළ ඉඩ ඇති සාමෙ රජින්ඳා ! සාමෙ රජින්ඳා !! එදා දිළින්දන්ට හොරෙන් - හොරෙන් දුන්නු සතුටු තෑගි මෙදා සැමට බෙදා හදා ගෙන - ප්‍රේමය වඩන අනගි පිණි මුවන්ගෙ හිම කරත්තෙ - නැඟ අරගෙන තවත් තෑගි නත්තල් සීයා එනවලු - මේ වසරෙත් අපට සමගි ජේසු උපන් දින සමරන - කාගෙත් සිත සතුට සදන අසිරි නත්තලේ! මේ අසිරි නත්තලේ!! 2026.12.01 Photo Credit; Sergio Zhukov