ලන්ඩනයේ සිට මුදා හැරෙන ශ්‍රී ලාංකේය කවි සරණිය

Tears…

2023-October

𝒲𝒽𝑒𝓉𝒽𝑒𝓇 𝒶𝓂 𝒽𝒶𝓅𝓅𝓎 𝑜𝓇 𝓈𝒶𝒹…..
𝒴𝑜𝓊 𝒸𝑜𝓂𝑒 𝑜𝓊𝓉 𝑜𝒻 𝓎𝑜𝓊𝓇 𝒽𝒾𝒹𝒾𝓃𝑔 𝓅𝓁𝒶𝒸𝑒
𝐹𝑒𝑒𝓁𝒾𝓃𝑔𝓈 𝑜𝒻…..
𝒦𝒾𝓃𝒹𝓃𝑒𝓈𝓈….𝐿𝑜𝓋𝑒….𝐿𝑜𝓃𝑒𝓁𝒾𝓃𝑒𝓈𝓈
𝒞𝓇𝓊𝑒𝓁…..𝑜𝓇 𝐻𝒶𝓉𝑒…..
𝒴𝑜𝓊…..
𝒞𝑜𝓂𝑒 𝑜𝓊𝓉 𝑜𝒻 𝓎𝑜𝓊𝓇 𝒽𝒾𝒹𝒾𝓃𝑔….
𝒴𝑜𝓊….𝒯𝓇𝑒𝒶𝓉 𝒶𝓁𝓁 𝑜𝒻 𝓉𝒽𝑒𝓂
𝒲𝒾𝓉𝒽 𝓉𝒽𝑒 𝓈𝒶𝓂𝑒 𝒮𝒶𝓉𝓉𝒾𝓃𝑒𝓈𝓈
𝒴𝑜𝓊……𝒟𝒾𝓈𝓈𝑜𝓁𝓋𝑒 𝒶𝓁𝓁 𝓉𝒽𝑜𝓈𝑒 𝓉𝒽𝑜𝓊𝑔𝒽𝓉𝓈
𝐼𝓃 𝓉𝒽𝑒 𝓈𝒶𝓂𝑒 𝓈𝒶𝓁𝓉𝑒𝓇𝓃
𝐻𝑜𝓌 𝒻𝒶𝒾𝓇 𝒶𝓇𝑒 𝓎𝑜𝓊
𝒴𝑜𝓊…..
𝒮𝒽𝑒𝓁𝓉𝑒𝓇 𝓉𝒽𝑒𝓂
𝐻𝒾𝒹𝒹𝑒𝓃 𝒾𝓃 𝓎𝑜𝓊𝓇 𝒷𝑜𝓈𝓈𝑜𝓂
𝒪𝓅𝑒𝓃𝓈 𝑜𝓃𝓁𝓎 𝓉𝒽𝓇𝑜𝓊𝑔𝒽
𝒴𝑜𝓊𝓇 𝑒𝓎𝑒𝓈….
𝒯𝐸𝒜𝑅𝒮…….
𝒟𝑜𝓃’𝓉 𝒸𝑜𝓂𝑒 𝑜𝓊𝓉….
𝒮𝓉𝒶𝓎 𝒲𝒽𝑒𝓇𝑒 𝒶𝓇𝑒 𝒴𝑜𝓊….
𝒜𝒮….
𝒩𝑜𝒷𝑜𝒹𝓎 𝒾𝓈 𝓉𝒽𝑒𝓇𝑒 …..
𝒯𝑜 𝓈𝑒𝑒
𝒜𝓃𝓎 𝒷𝑜𝒹𝓎’𝓈 …
𝒯𝐸𝒜𝑅𝒮..

𝒟𝓇 𝑅𝒶𝓂𝓎𝒶 𝒜𝓉𝓉𝒶𝓃𝒶𝓎𝒶𝓀𝑒
𝒰𝓀𝒹𝑒𝓃𝒹𝓊𝑔𝑜𝒹𝒶,
𝒫𝑒𝓉𝒽𝒾𝓎𝒶𝑔𝑜𝒹𝒶,
𝒢𝑒𝓁𝒾𝑜𝓎𝒶..

ආදරණීය ඍතු

2023-November

ශ්වෙතවන් කල්‍යාණ මලින් සැරසී එන්න
සොඳුරු පෙම් හීනයට ලඟට විත් පණ දෙන්න
අරුත්බර නැවතුමක සාර පල හටගන්න
හිඳිමි මං මඟ බලා වසන්තය අරඹන්න

වේදනා පොදි බැන්ද හදවතට අමතන්න
නැඟුණු හිරු උණුසුමින් මොහොතකට සැඟවෙන්න
සිනිඳු මල් පෙති අතර මට හැකිද හැංගෙන්න
ගිම්හාන කාලයට මා ලඟින් ඔබ ඉන්න

සුකුමාල හරිත පත් වෛවර්ණ ගන්වන්න
මලින් තොර තුරු ගොමුව සිසිලසින් නහවන්න
පෙමින් බැඳි පෙර දිනය මතකයට නංවන්න
සරත් කල පැමිණි වග මට හෙමින් මුමුනන්න

ලහිරු කිරණක්ව විත් හෙමි හෙමින් සිපගන්න
හද ගැඹුරේ සැඟව ඇති මිදුණු සිතුවිලි ගොන්න
එනතුරා ඔබ ඉතින් මගේ ළඟ නවතින්න
දින ගනිමි හේමන්ත කාලයට සමුදෙන්න

12.06.2017

ගුරු නෙතින් කඳුළු නොවගුරුවමි……….

2023-November

හිඟ වැටුප් අයැදිමින් – හිරු රැසින් පිලිස්සිමින්
කුස ගින්නේ දැවෙමින් – යටිපතුල් රිදවමින්
බැනර් පෝස්ටර් ඔසවාගෙන – ඇවිද එන පිරිස අතරේ
දුටිමි ගුරු මවුපියන් – වියැකුනු මුහුණු ඇති

අකුරු කියා දී – යහමග පෙන්වා – අපේ දෑස පෑදූ
ඔවුනගේ දෑසින් කඳුළු වගුරුවන්නට
කඳුළු උණ්ඩ ඔවුන් වෙත එල්ල කරන්නට
අණක් ඇසුනත් දෙසවනට
කෙසේනම් ඒ අණ පිලිපදින්නද?
හොරුන්ට රජවෙන්නට ඉඩදී – ඉදිමුද තවත් කාලයක් දුක් දිදී

30 ඔක්තෝබර් 2023

පස්සෙම සීට්

2023-November

මගහැරල දහක් ඇස්
කම්මුලක් කෙනිත්තූ

පෙම් මුල්ලක දැනුත් ඇති
හූල්ලන මිනිස්සූ

හිනාමල් ඉතිරෙන්න මොහොතක්

2023-November

නැගෙන්නට එන හිරු
කරයි ලොව නෙක විසිතුරු
පාට ඇති සුමිතුරු
සුවය ගෙනදෙයි නිසැක පිවිතුරු

අරඹා සිතු දවස
බැසයාවී හිරු හවස
ඇවිළුන දිවි පවස
නිවිලයාවි නොදන්නෙමි කෙලෙස

අතුඅග මල් ගෙනෙන
ඵළබර තුරුහිස් වසන
මුළු දිරි දිය කෙරෙන
අත් පිරේවිද තවම නොදැනින

සැප සතුටම වීලු
හිනා නිති පිරෙනවාලු
හැමට සම වීලූ
හිතට පැනයක් මතුව ඒලූ

එන්න තව දවසක්
හැමට එකසේ දැනන පහසක්
වියැලෙන්න කඳුළක්
හිනාමල් ඉතිරෙන්න මොහොතක්

යමකය —-

2023-November

සීතල සහ උණුසුම දෙක..

එකම දෙයක අන්ත දෙකකි

නොමැති විටක ආලෝකය….

රජ කරනව අඳුර එතැන

දුක හා සැප එකම තැනය….

හදා ගත්ත මනසක් තුළ…..

සැරිසරනව අන්ත දෙකක….

නිවන ඇත්තෙ තමා තුළය

යමකය වැඩ කරන සැටිය

මිනිස් බුද්ධිය අවදි කර ගෙන

තමා තුළින් දැකිය යුතුමය…. ..

උක්දඩුගොඩ,
පෙතියාගොඩ,
ගෙලිඔය.

2023.10.14

බිඟු ගේ විරහ ගිනි

2023-November

තඹර විල පිපි නෙළුම

වැළඳ සිප සෙනෙහසින්

රොන් උරයි දැවටෙමින්

බිඟු තෙමේ සතුටින්

හඬ දෙමින් මියැසි නාදය

මවයි පෙම් හැඟුම් විල මැද

කාත් කවුරුවත් නැති ලොවක

තනිවූ පෙම්වතෙකු සේ

සිටු මැදුරේ අබලි ද

පොදි බැදන් ගෙහිමි රවටා

යන ගමන් එගොඩහේ

නෙත ගැටුනි විල මැද රතුනෙළුම

දිගු කරන් තම හස්තය

පැද යමින් පාරුව එදෙසට

නෙලාගෙන රන් නෙළුම

ලොව දිනු සේ එගොඩට

අහිමි වී ගිය රන් නෙළුම

ඇති කලා හදේ විරහ ගින්දර

නිවාලන්නට නොහැකි වූ තැන

වැළපුනිය මහවිල මැද

රත්නපාල ගමගේ ස්විස්ටර්ලන්තයේ සිට

“අත්හැරුනු ප්‍රේමය”

2023-November

ඔබටම සෙනෙහස හිතතුල තිබුනත්
නුඹ ගැන මතකය සිත රිදවූවත්
අපගේ පෙම් ලොව බිඳිලා ගියමුත්
සුන්දර මතකය සිහිවෙයි තවමත්

සිතතුල දහසක් සිතුවිලි නැඟුනත්
ඒ සිතුවිලි කවියට ගොනු කෙරුවත්
ලියවෙන කවිපද සිත රිදවූවත්
ඔබ ගැන කවි ලියවෙයි හැමදාමත්

මා අතහැර ඔබ වෙනකත බැඳුනත්
පැතූ සිහින හැම බිඳිලා වැටුනත්
මතක අතර මම බොහො දුක් වින්දත්
ඔබ ගැන මතකය අඩු නෑ තවමත්

ඇයත් සමඟ නුඹ කැදැල්ල තැනුවත්
තරහක් නෑ මගෙ සිත තුල තවමත්
වෛර කරනු බැහැ පෙම් කල හින්දත්
සතුටින් ඉනු මැන ඇය හා කවදත්

හිතාගන්න බෑ මට නම් තවමත්
මා අතහැර ගියෙ ඇයිද කියලවත්
කරලා නැහැ කිසි වරදක් කවදත්
නුඹට පමණි මම ආදරේ තවමත්

එතකොට…ඇත්තම ඇත්ත ඒකද ?

2023-November

අකුරු කීපයක් අසබඩ
හිතක් රස්තියාදු ගහනකොට
තනියමත් හිනා යන්න ඇති සත්තකින් සමහරක් වෙලාවට
යලිත් මතුවන Oops
සජීවී කොළපාට තිත
මග බැලුවෙ මොනවටද
තවමත් නොදන්නා කරුණකි
කාට වුනත් හිතවත.

යොදුන් දස දහස් දුර
අඩියට දෙකට ඇකිලුනාම
අතරමං වන එක අරුමයක් නෙවෙයි කෝඩු මනමාල හිත්
ලඳු කැලෑ වල .
වැටුනු වැටුනු තැන පැලවෙන කොට්ටම්බා ඇට තලා මතුකර
හොය හොයා විඳින්නට
තලුමරා රස උරන්න ඇහැකි
විඳින්න නොදන්නා රසවතෙකුට වුව.

කොතරම් රිසි වුනත් හිතක පැලවෙන්න දළු දමා මෝරලා ඉපිලෙන්න
සිහිල් සෙවණක පහස අතුරන්න කෝටියක් තරම් මුල් වලින්
කිඳා බැස ඩැහැගන්න.
ගහට ගහක් හමුවෙයි හිතුවට
එක දිනක් සැනසෙන්න
පෙරුමන් දහසක් පිරුවට
හිමි එකම උරුමය දරා
හිර කරගත් සියලු ෆැන්ටසි සමගම
දැවි දැවී එලෝ යන්න.

එතකොට…ඇත්තම ඇත්ත ඒකද ?

රම්‍ය සඳ ඔබයි…….

2023-December

ගලන ගඟක සුදු මුදු පෙන මතු කෙරුනී
හදවිල කැළඹි පෙම් ජල රේඛා මැවුනී
රුක් අත්තන මලට බඹරුන් එනු පෙණුනි
ලය මඩලේ රන් දෙවොලක් යලි තැනුනී

අදටත් පවන හමමින් මන දිරි බන්දා
අවියක් වගේ සවියකි ඔබෙ හඬ නන්දා
ආරාධනා ස්වර දැහැනේ අපි රන්දා
අරලිය ලන්ද සතුටින් සඳ රැස් වින්දා

කඩමන්ඩියේ දොල අයිනේ රිදී හඬයි
කලා වැවේ දිය දෝතේ සිසිල ඔබයි
සරුංගලේ හැඩ කෙරුවේ ඔබේ හඬයි
ගී අඹරේ නොබසින සඳ රැජින ඔබයි

11නොවැම්බර් 2023