ලන්ඩනයේ සිට මුදා හැරෙන ශ්‍රී ලාංකේය කවි සරණිය

හැන්ද

හැන්ද

හෙල්මලී ගුණතිලක - ඔස්ට්‍රේලියාව
2023-June

Translation of the poem ‘Spoon’ by Richard Jones

ඇතැම් දිනවල
හැන්දක් මිසක්
ජීවිතයට මට වෙන කිසිවක්
නුවුමනා බව සිතේ

හැන්දකින් මට ආහාර ගත හැක
දොස්තරවරු නියම කරනා බෙහෙත් ගත හැක
ජනෙල් පඩියේ නිදන මැස්සාට පහරදිය හැක
මේසයට තඩිබා අවධානය ඉල්ලා සිටිය හැක
චෝදනාමුඛයෙන් දෙවියන්ට උරුක් කළ හැක

හැන්දෙන් නොනවත්වා හිස් අවකාශයට අනින්නට හැක
එහි දිලිසෙන මතුපිටෙහි කැඩපතින්
මගේ මුහුණ, පුංචියට නැරඹිය හැක
ඉන් එක් ඇසක් වසා
ලෝකයෙන් අඩක් අතුරුදන් කළ හැක

හැන්දකින් මඳින් මඳ පොලොව හාරා
නිදහස සොයා යන්නට
බිම්ගෙයක් තනනු හැක
හඳ එළිය හැන්දට පුරවා
කළුම කළු අඳුර වෙත විසිකරමින්
ජීවිතය අපතේ හරිනු හැක

පරිවර්තනය- හෙල්මලී ගුණතිලක

Richard Jones එංගලන්තයේ උපන් ඇමෙරිකානු ජාතික කවියෙකි. කාව්‍ය සංග්‍රහයන් කිහිපයක් පළ කර ඇති ඔහු චිකාගෝ හි විශ්ව විද්‍යාලයක කතිකාචාර්යවරයෙක් වශයෙන් සේවය කරයි
Photo- Unsplash