සොඳුරු සිත්තම්
2022-October
ළය මත සෙමෙන් සිතුවම් ඇඳි මගෙ සුරතේ
උණුසුම දැනෙනවද සිහිනෙන් රෑ සීත
අවදිව නොබලන්න පැදුරේ ළඟපාත
තනිකම දැනේවී උහුලන්නේ කෝම
ඉරයි හඳයි තරු පොකුරයි අතර සිටී
ඔබේ නුවන් මගෙ දෙනුවන් වලට ගැටී
මතකෙට එනවාද මා වෙත ආපු හැටී
පිසදා ගන්න ඔය ඇස් වල කඳුළු කැටී
පොඳි බැඳ සිටිය පැතුමන් එක එක පාට
ලිහලා පෙන්නන්නේ මින් මත්තේ කාට
පහනේ සිළ නිමයි කළුවර එයි පැලට
සමාවෙන්න ඔබ තනිකර යනවාට