සැනසුම..

රේණුකා සුදර්ශනී ඉලංගකෝන් - කිරිඳිවැල

2023-April

ඔබෙ පුළුල් උරහිස..
එතෙක් මෙතෙක් මා ලද
සුරක්ෂිත ම නිවහන.

ඉහිරී කඩා වැටෙන
හැම මොහොතකම
වාරු දී සනහන.

ඇවිද හුරු මගතොට.
නන්නාදුනන ඉසව් වල
සමහරවිට…
අසරණව හිඳිත්දී
සෙනෙහෙන් සුරත ගෙන
නොවෙනස්ව පාන.

වසර ගණනක් පුරා
හැල හැප්පීම් දහසක් මැද
තාමත් මදකුදු නොවෙනස්ව
උණුසුම් සිහිල දෙන.

හිතුවක්කාර හිතක සක්මන
මොනවට දැන හැඳින
අදත් හිස
වත්තන් කරගෙන අසයි

මහන්සි ද මැණික!!