සමුගැනීම
2021-September
මම්මලේ මම යන්න යන්නම්
ආයි නම් හමුවෙන්නෙ නැතිවෙයි
උඹත් උතුවන් කන්ද එක්කම
දාල යන්නට වෙලාවත් එයි
කන්ද වාගෙම මහ බරක් මගෙ
පපු කැනැත්තේ දැනෙයි අඩියේ
මතක් වෙන්නෙම මැණිකෙ ගේ ඇස්
ඇඬූ කඳුළින් ඉන්න තනියේ
හැබෑවට මුණ ගැහුණ නම් මට
මැණිකෙ කෙල්ලව හෙලේ මුලදී
හිච්චි ගේ පොඩ්ඩකින් සෑහී
කුඹුරු කරනව හිඟුල ළඟදී
බැරිවෙලාවත් බේරුණොත් උඹ
මගේ හිත ඇගෙ ළඟම කියපන්
උඹෙත් අමනාපයක් නැත්නම්
අනේ ඒකිව හොඳින් බලපන්