ශුද්ධ වූ ප්‍රේමය
2022-October
සෙනෙහසින් ඇරඹිලාදොම්නසින් නිමාවූශුද්ධවූ ප්‍රේමය
සිනාවෙන් පීරි ගොස්
කඳුලින්ම නෙත්ව ගිය
ශුද්ධ වූ ප්‍රේමය
ඉටි පහන් දල්වලා
බයිබලයේ අත තබා
දෙවිදුන්ට දුන් දිවුරුමට
පිටුපෑව ශුද්ධ වූ ප්‍රේමය
යහළුවන් නෑසියන්
එක්ව ඉසු මියුරු වත
රතිඤ්ඤා වැල් පිටින්
මහ පාරේ දල්වලා
කුලගෙයට සපැමිණි
ශුද්ධ වූ ප්‍රේමය
අද වියැලිලා
දැවී ගොස්
අවන්හල තුළ
සැඟව සිටි
නළඟනකගේ විජිතයේ
දෙපා ළඟ
මුරට ගොස්
ශුද්ධ වූ ප්‍රේමය