විස්සයි විස්ස
2021-January
භීතිය කඳුළු පිරි දෙදහස් දහ නමය
කෝවිඩ් වසංගත මරු වැඩි කර ජවය
සටනට එක් වුනා ළඟ එන්නත අවිය
පතනෙමු සැවොම අප මනුලොව වෙත සුවය
ෆයිසර් බියොන් ටෙක් සටනේ පෙරමුණ ට
මෝ- දෙර්නා සහයෙන් වෙනසක් නොකොට
ඔක්ස්ෆඩ්- අස්ත්‍ර ළඟ දී එක් වෙයි ගජට
ජය සිකුරුයි ඉවසමු සුරැකිව එකට
වෙන්වුණු දෙමාපිය දරු මිතු එක් වෙනවා
සෙනෙහේ සිනහ මුසු මුහුණින් සිත් පිනවා
දියුණුවේ මඟට දන නැවතත් පොරකනවා
මතුවූ ගුණ දහම් යලි වැළලී යනවා
26-12-2020