ලන්ඩනයේ සිට මුදා හැරෙන ශ්‍රී ලාංකේය කවි සරණිය

වැස්ස…වැස්ස…

වැස්ස…වැස්ස…

මාලා විජේකෝන් - උතුරු කැලිෆොර්නියාව
2023-June

කළුවර අහස තරහෙන් ගොරවන කලට
විදුලිය එළි එබෙයි වහළෙන් ගේ තුළට
හිරිකඩ ඇවිත් වැටෙනව පාඩම් පොතට
බය නැහැ අයියන්ඩි ආවොත් මගෙ ළඟට

දහවල අව්ව වැටුණත් ගින්දර සැරට
පාවුණු වලාකුළු ඉර වැහුවා තදට
කොළ මහ ගොඩක් ඇවිදින් හුළඟේ බිමට
ගහකුත් වැටේවිද ගෙයි වහළේ උඩට

මහ වැහි අඩු වුනත් හැර මේ කුළු දුරට
දිය බිඳු වැටෙයි කොළ අග්ගිස්සෙන් බිමට
බොර දිය වැල් ගලන හැටි මිදුලේ යසට
කරදහි ඔරු හදමු අයියණ්ඩියෙ රුවට

උතුරු කැලිෆෝනියාව