මීදුමින් වැසී ගිය
2022-November
මනාවට නිමැවූ පාර පාළුය
නීතියට අවනතව පිළිවෙලට දිවෙනා
වාහනද විනීතය
හිතට වදයක් නොමැතිව
ධාවනය පහසුය
එහෙත් හදවත අවුළ්ය…
මව්බිමේ මහමඟක
දහඩියෙන් වත පෙඟුණු
එළවළුවක් දෙකක් රැඳි බෑගයක් ගත්
මිනිසුන් සහ ගැහැනුන් මතක් වේ
දෙපස ඇති කඩ පිළක පිසෙනා
රොටියක සුවඳ නාසයෙ රැඳේ
ඉඳහිටක වාහනේට එඹෙනා
බුලත් කහටැති සුහඳ සිනහවක්
නෙතු මැවේ
ඒ සැම අතරින් එදා විඳි
නාමල් සුවඳකින් හද කිතිකැවේ…
චන්දන ගුණසේකර
30.09.2022