මනමේ කුමරිත් තනිවුනා
2021-December
හෙල්ල, අඩයමිය, තෝමරය,
අංකුසය, පාරාවලල්ල
පංචායුධයෙන්ම සන්නද්ධ
බ්‍රාහ්මණයෙක් තමයි ධනුද්දර
Collage එකත් රාජකීයයි
මාසටර් දිසාපාමොක් පරපුර
බරණැස් රජ පැටවෙක් නේ ඉතිං
මොනවයිං නම් අඩුවක්ද
“දුලා නෙතුපුලා”වු ඇයට
හරියටම හරියන සිසුව
තමයි මේ ධනුද්දර
ඉටුකර දිසාපාමොක් යුතුකම
දෝණිගෙ ගමන මාළිඟාවට
මාළිගේ කතා ගැන නෑ මනාපේ
ගෑනු ඇති තව අන්ත:පුරයේ
මගේ හිත බැදි
වෙනත් කොල්ලෙක්
තාම ඉන්නවා තක්සලාවේ
වැදි වෙසින් ආ ගැලවුමක්
මම හෙව්වෙ මට ප්‍රේමයක්
දෙන්න ගාවම හමු වුනේ මට
සම්ප්‍රදායික පිරිමියෙක්
එකෙක් ෂෝ එක පෙන්නුවා
අනෙකා වැඩ ගෙන පැන්නුවා
තවම ගැහැණුන් ඇවිඳිමින්
සොයා යන්නේ
වැද්දෙක් නොවෙන
කුමාරයෙක් ද නොවෙන
විශ්වාසයෙන් හද බැඳෙන
ආදරේ ඇති පිරිමියෙක්…