මග බලමි නුඹ නමින්
2022-October
මා තිසර විල් ජලේ විකසිත පෙම් කැකුළ සොයන්
ඉගිල එන්න පිපි මල්ගොමු තුරු වියන් මැදින්
නුඹ ඉගිළ එන තුරා මගේ හද මදුරු දොර ඇරන්
මේ කඳුළු තොටුපළේ මම මග බලමි ඔබ නමින්
පිල් විදා රඟන රණ මොණරුන් මල් උයන් පුරා
ලං වේද සුපිපි කුසුමක උන් බොන්න රොන් උරා
මල් දුන්න බිඳී අසරණ වී ඇතත් මල්සරා
පරවෙන්න දෙන්නෙ ඇයි පිපි කුසුමකට රොන් පුරා
මියැදෙන්න වුණත් මලසුන් මත පාර මලක් වෙලා
පුද දෙන්න බැහැනෙ බිඟු කැළකට බොන්න පෙති තලා
මල් සුවඳ සොයන බමරුණි රොන් වෙතම සිත් නොළා
සිප ගන්න පමා ඇයි මම මෙහි ඉන්නෙ මග බලා