මගේ නැන්දණියනේ!
2022-May
වැදූ අම්මා නොවී ඔබ මා
හැදූ අම්මා වූ නිසා
කියන්නේ කෙලෙසකද මං අද
නොවූයේ ඔබ මගේ අම්මා
හොවාගෙණ මගෙ හිස ඔබේ
උකුල මත යහණක් ලෙසේ
පිරිමදිණ විට ඇගිලිතුඩු වල
සුවය මට තවමත් දැණේ
කුසේ පිළිසිඳ ගන්න ඉඩකඩ
තිබුණෙ මගෙ අම්මට නිසා
ඔබේ සවියෙන් නොවිය බඩගිණි
දන්න කියණා දොහේ ඉඳලා
ගම් දනව්වේ හිටිය හැමදෙන
කියන්නේ නිති ඔබේ ගුණකඳ
හදණ දේ අන් අයට දී
පිරුණෙ කුස තේ කහට බඳුණෙන්
මගේ නැන්දම්මේ ඔබේ
හැඩරුවින් යළි දිරිය ගන්නට
හීණෙකින් වත් එනවදෝ අප
වෙතට සුපුරුදු සිනාවෙන්
Marne la Valée ප්‍රංශය