පෑගෙනා මල් පොකුරු.
2023-February
වීදි කොන කාණූ ගැට්ටක
ඉපදිලා සුවඳ දෙන
පෑගෙනා මල් පොකුර
තබමි අල්තාරය පාමුල
නමක් නැති තාරකාවන්
පිපෙන විට තුන්යමට
විකසිතව දිලුනෙ නෑ
හිරු මුවාවිණි සඳට
වෙරලු මිණි සිරි අරන්
සිත්තමක් අඳිනවා
ම්හි මවගෙ සළු පොටේ
ඉහිරිලා කිරි පින්න
චන්ඩවම සටන් වැද
කුස පොත්ත අවුළුවන
ගිනි කඳක් නිවන්නට
හැකිද දිය කලසකට
සරණ හිමි නොවුණු තැන
දෙපා පොඩි රිදෙනවලු
ජීවිතේ මාවතේ
ඇනෙන කටු පාවඩට
වැතිර සිඹිමි පා යුග
යොමනු මැන නීල
දෙනයන
වඩිනු මැන දෙවිඳුනි
රැක ගන්න හනිකට
දියත සොඳුරුම මල්
විකසිත වන්නටත්
පෙරම මියැදෙන
2022.12.24.