ලන්ඩනයේ සිට මුදා හැරෙන ශ්‍රී ලාංකේය කවි සරණිය

පැරදුම

පැරදුම

රන්ජන ආරියරත්න
2022-October

මේ පාර පවත්වන නිවාසාන්තර උත්සවේ
තරගෙ අන්තිම දවසෙ දුවන මීටර් සීයේ
ටීච උඹවත් දැම්මා නම් ලියපු පිටුවේ
පොඩි කිරිය තමයි මට පණිවිඩේ කිව්වේ

උදැහැනැක්කෙ නැගිටලා පාර දිගෙ දිව්වා
අපේ වයිරා අවුස්සලා උගෙ පස්සෙ දිව්වා
තාත්තගේ හයිය ගෙන තියා හිත ගාවා
දන්නවද වට කීපයක්ම මං තරගෙ දිනුවා

සැරසෙන්න එලවන්න කියා කන වැකුණා
ඩෝo හඬ මාව ඉර ඉස්සරහට දැම්මා
වෙඩිල්ලත් පරදන්න ඉතින් මං දිව්වා
ටිකෙන් ටික ඔක්කොමල පස්සටම කෙරුවා

ඉදිරියෙම මං ආවෙ බලන් එක එල්ලේ
හිතුවෙ නෑ එක පාර ආව වෙව්ලිල්ලේ
කකුල් දෙක පණ නැතිව වැටුනි පෙරලිල්ලේ
අම්මෙ ඇයි අන්තිමට පොස්ටිනෝ ගිල්ලේ