ප්‍රේමාවංශය
2023-May
ශිලා ලිපියක ලියා ආදරේ වැහිදාර
පන්හිඳෙන් තිත් තැබූ ජීවිතේ පුස්කොළය
හෙමි හෙමින් පිදුවාට සංසාර ජාතකය
මං ගාව ඇන්ඳේම කටුගෑව පින්තාර
කළුවරට අත තියා මල්වරට වර දුන්න
නුඹ ඇවිත් කෙඳිරුවේ හිම මිදෙන ආදරය
හීතලේ හිරි වැටී දෙතොල් පෙති ගල් වෙච්ච
දියවෙන්න ඉඩ දෙන්න උණුසුම්ව සුසුමක්ව
මන්දාරමේ උන්නු නුඹ මගේ පාන්දර
ඉර මුදුන් ගිනියමින් අළු කරන අපූරුව
නුඹෙ සුවඳ වත්කරන රැලි නැගෙන දුමාරය
හිනැහෙමින් දැවී යමි නුඹයි මගෙ පාන්දර