ලන්ඩනයේ සිට මුදා හැරෙන ශ්‍රී ලාංකේය කවි සරණිය

ප්‍රවීණ නාට්‍යවේදී කේ.බී.හේරත් සමුගනී

ප්‍රවීණ නාට්‍යවේදී කේ.බී.හේරත් සමුගනී

රාජ්‍ය කලාභුශන, කිවිපති සාසනකීර්ති-දේශාභිමානී ඩබ්ලිව් .කේ .සරත් විමලසිරි
2023-February

:දශක අට ඉක්මවී යන සද
දිවිසැරිය නිම කළ කලා මිණ
සදා හිඩැසක් තබා ටෙලි හිස
බැබළවූ ටෙලි වේදිකා මඟ
ස්පර්ශ කළ සිත් අනේක වු
මනා සල රූ කතා පෙළ මැද
සබඳ කේ බී හේරත් පුරා සඳ
බැසැ ගොසින් සාහිත ‘ඹරෙන්
අනෙක රන්තරු පිරිවරා සිටි
පාරමී දම් මුල් තිරෙන්
එදා ඉසිවර අසපුවෙන්
ඇවිත් ඉංගම් මාරුවට ඔහු
පුවත ගජමන් නෝනගේ පෙර
අළුත් මානයකින් දුටූ
එකතුවී සක්විත්තෝ සමගින්
ලියූ රචනා මනෝරම්‍ය වූ
දෙතුන් සියයද ඉක්මවූ
අනේක වු සිත් සැනසවූ
මුලින් දෙලොවක් අතර නම්වූ
පළමු ටෙලි නිර්මාණයෙන්
අසීරු වු ගමනකට පිය නැගු
සුනිල් වන් මේ විද්වතාණෝ
සුදු කරල් දොන් ජුවන් සමගින්
නාට්‍යය ස්වතන්ත්‍ර පෙළකින්
හෙළ කලා කෙත සරුකළේ
ජීවිතේටම එක් වරක් හිමි
නාට්‍ය කීර්ති සම්මානයෙන්
පිදුම් ලබමිණි ජාතියේ
වියත් ගුරුවරයකු ලෙසින්
දිගු කලක් තුළ කැපවෙමින්
දැයේ සරසවි අසපු පෙළකම
ඇඳුරෙකුව කටයුතු කළේ
නැණැස පාදන බිහිදොරක් වී
දූ පුතුන් හට උරදෙමින්
නුගතුරක් සේ සෙවන දුන්
මල් දමක් මෙන් සුවඳ දුන්
වේදිකා වට බලය දුන්
පුංචි තිරයට ජවය දුන්
අතැර ගිය තිර රචකයානණි
ඔබට යළි මේ රටට එන්නට
වරම් හිමිවේවා!

30/1/2023