ලන්ඩනයේ සිට මුදා හැරෙන ශ්‍රී ලාංකේය කවි සරණිය

නව කවි

නව කවි

වෛද්‍ය මනෝරි ගමගේ
2021-December

පැහුණු ගොයමෙ තනි රකිමින් සිටි වේලේ
ඇහුණු මියුරු පද බැඳුනේ ඒ කාලේ
මුහුණු පොතේ බැඳෙනා කවි නව තාලේ
සරණු පෙනේ මොහොතින් ලෝකෙම ගෝලේ

කොනක රැයකි අන් කොන මහ දවාලකී
හිතක දුකට සතුටට නැත වෙලා සකී
ලොවක නොයෙක මත ඇති වේදිකාවකී
නරක අතක ගියහොත් මහ විනාසෙකී

බාගත කරන් හෝඩියෙ හොයනා වචන
ඩේටා ගියත් මිහිරැති කවි රස බෙදන
ඒ දුටු අවැසි අය පැසැසුම් එහි යොදන
මෙය නව තාලයේ සතුටයි හිත පිරෙන

අහුරු ගණන් නව අදහස් ඇතිවේවා
මියුරු කවියෙ තාල රාග වැඩිවේවා
මිතුරු සැවොම නිති සතුටින් පිබිදේවා
සොඳුරු මුහුණු පොත හිමිකරු වැජඹේවා !