දැවෙන මලකින් පැණි කුමට

මයුරි කොඩිකාර - ගම්පහ

2023-January

අම්බලම් පාලුවක් වාගේ
දොර පියනෙ මහ හිල් ගොඩක්
හත්මසක් දිය නොදැක නාහේ
කඩාගෙන ගියෙ හඩු ගඳක්
ඇස්ඇරන් පය තිබ්බ බෝදේ
සෙව්ව දැක්කෙම කළුවරක්
අත්දෙකෙන් ඇද ගත්ත මාගේ
හුස්ම හිරවුනෙ මහ ගොඩක්

තත්පරෙත් වටිනව මහත්තයො
ගලවපන් ඔය ඇඳපු රෙද්ද
බොත්තනුත් පනිනව ඉලව්වෙම
ඇයත් ආවනෙ පද්ද පද්ද
පන්දමක් ගත් කපුව පැරදුනෙ
හැඟුම් දුම්මල වරම ගද්ද
හිල්උනෙත් පිපි බැලුම එකවර
දිරපු ඇඟපත වරම් දෙද්ද

ගිලුණු ඇස් බිම බැලුව තිසරුන්
කෙසඟ අතපය නිවට කමට
කුමට සතුටක් නික්ම යන්නම්
සිම්බෙ නළලත ලංව තදට
නැතිද අභිසෙස් මොණරු ගුලිකර
අතේ තැබුවද හොරෙන් උඹට
බරයි හදවත තවත් උන්ගෙන්
බේරුමක් නැති වෙයිද මලට