ලන්ඩනයේ සිට මුදා හැරෙන ශ්‍රී ලාංකේය කවි සරණිය

තරුවක්මි තනිවුන…!

තරුවක්මි තනිවුන…!

නිසංසලා දිසානායක - නුගේගොඩ
2022-April

දුර ඈත දිදුලන..
හාත්පස අඳුර දුරලන,
සුවිසල් සරා සඳ නුඹ…!
සොඳුරුයි නුඹ සැබෑවටම..!!

නුඹට නොදැනී..
නුඹෙන් සැඟවී..
නුඹට පෙම් බඳින මම..!
තරුවක්මි ඈත තනිවුන,

නුඹ වටා සැරිසරන ..
සොඳුරු, විසිතුරු තරු අතර..
නිදැල්ලේ සරන නුඹ ..!
නොදකීවි මා කිසිදිනක ..
නොහැඟේවි මගෙ සෙනෙහෙ කිසිදාක…

නුඹටම පිරුව මගෙ පෙම..
දරාගත හැකි නොවන නිසාම.!
නිබඳ මා අසල දැවටෙන..
ලබැඳි වළාවට කියන්නම්..
මොහොතකට හෝ සැනහී..
හිතේ දුක නිවාගන්නට ..!!