ඩයනා කුමරිය එලොව සිට …
2023-June
සා පැටවු දෙදෙනෙකුට පෙර දිනේ පෙව් හුස්ම
බෝ බැතින් රකින්නෙමි වැළඳගෙන හද ගැස්ම
ගී ගැයූ සෙනෙහසක නාමයෙන් මගෙ ඇස්ම
පා කැළුම් දුර හිඳ ම බිඳිනවා හැම දොස්ම
ඈ සමග ඔබ මෙදා මිණි කිරුළු දරන කල
නෑ දෙනෙත වැළපුණේ තුටු කඳුළු වගුළ කල
සේ සතක රුවින් ජන හද ළඟ ම නැගුණු කල
මා උරුම මාවතේ සිහසුනට නියම කල
රුව ගුණ සුවඳ ලොව සුගැයුම් කර ගයනා
මතකයෙ පොතින් දන හදවත මිය නොයනා
හරසර මැදින් අබිසෙස් බැඳි කල වියනා
මහරජ ඔබට සිහි වේවි ද මම ඩයනා
කේ.පී.එස් සචින්ත්‍රා