ලන්ඩනයේ සිට මුදා හැරෙන ශ්‍රී ලාංකේය කවි සරණිය

ගින්දර සුන්දරි

ගින්දර සුන්දරි

ආසිරි විජේසේකර
2021-February

කවිකාරියගෙ පද ගෙත්තමෙ තිබෙන දඟ
රැකගෙන සඳැස යන විට ඈ උරුම මඟ
හයියෙන් හෙමින් මතුවන සිත් මඬලෙ රඟ
සියුමැලි ඔබයි බාධක මැද ඇදෙන ගඟ

ඔබ නැති වුනොත් අබියස විසි හතර පැයේ
සංකා දැනෙයි යෞවන සහ බොළඳ වියේ
සද තරු නොමැති මූසල ඝන අදුර රැයේ
ඇයි කිවිඳියනි ඔබ ඇවිදින් නොකියා ගියේ

කවි ගංඟාවෙි කිමිදීලා පිහිනීම
ආදර නදියෙ සුවසේ පෙම් දිය නෑම
ඉඟියක් නොකට නෙතඟින් ඉඟිබිඟි පෑම
ගින්දර සුන්දරිය මට මතකයි තාම