ගරා යක් එළිය…
2021-November
ගරා යකුගේ එළිය
හැමදාම හැන්දෑවේ
නිවී නිවී දැල්වෙන
රතුපාට එළියක්
ගරායක් එළිය බව
කියන්නේ මහප්පා
මං බාල කාලෙදි
මහප්පා මියගිහින්
වසර දෙකතුනක් දැන්
තවමත් පෙනෙනවා
ගරායක් එළිය මට
ගරා එළි බලන්නට
අප්පච්චි සමගින්
දිනක් හැන්දෑවකදි
ගියා මං බලන්නට
වෙල් යාය පැත්තට
දන්නවද මං දුටුවෙ
ඒ මොකක්ද කියලා
මං වගේ ළමයෙක්
භූමි තෙල් කුප්පියෙන්
පාඩම් පොත් කියවන
රතුපාට එළිය ඒ