කොළඹත් රටත් දේවිද ණය හිලව්වට

ප්‍රීති රන්දෙණිය

2022-April

අණත් පනත් හැම සම්මත කරගන්න
අඩුයි කියා කිසිම දොසක් නොකියන්න
මමත් එකෙකි දුන් හැටනම ලක්ෂයට
සමාවෙන්න මා කළ එම වැරැද්දට

රටත් ජාතියත් අඳුරේ ගිලෙන හැටී
පෝලිම් වල ඉඳන් මිනිසුන් හඬන හැටී
හෙණ පිට හෙණ වැදියන් යයි කියන හැටී
මොන වැරදිද උන්ගෙන් වුනෙ බලනු වටී

ඇති හැකි එකා රට විකුණා සැපට ඉඳී
නැති බැරි එකා එල්ලෙන්නට වැල් සොයතී
කිරිබත් කකා බිව් ජයපැන් මතක නැතී
කනවා නොවෙයි දැන් ඔක්කොම උලා කතී

කොළඹ කොටුවෙ බළල් මසුත් ගිනි ගණන් ගියා
කියලා එකල කිව් ලෙසවත් කියන්නට
හැකිදැයි අනේ දැන්නම් බය හිතේ මට
කොළඹත් රටත් දේවිද ණය හිලව්වට

14/03/2022