කැටුව යෑම
2022-March
මරණය – භව මිතුර
දැක ඇතත් ඔබ නිතර
නොපැතුවෙම් ඔබ ඇසුර
යන එන මං නැතිව
සසර මග අසරණව
සිටින විට හුදකලාව
මා කැටුව යෑමට
ඔබ පැමිණ දුර සිට
කළ සුහද ඇරයුම
සැනින් පිළිගතිමි මම
අප දෙදෙන සමගින්
අසුන් ගෙන නිහඬින්
රිය තුල විය
සංසාර භවය
මා වැනි ප්‍රුථජ්ජන
යන නොනිමි ගමන
දැන යලි භව තරණය
සලසන ඔබ මරණය
සරණ වන සත හට
බැව් වැටහුනි මා හට
සංසුන්ව යන ගමන්
දුටිමි කවුළුව තුලින්
හිරු නැගෙනු පෙරදිගින්
නිවන් සුව නොලැබුනත්
ගමනාන්තය නොදනිතත්
නොදැනේ කිසි චකිතයක්
හේතුවෙන් ලද ඵලය
ලැබෙන බැව් නියතය
ඇරඹුමක නව දිවිය
සමගින් මතු භවය
නිරන්ජන් සෙල්වදුරේ (Sydney, Australia)