ආදරය…
2022-March
ගලා හැලෙන දිය වැල් අතරේ පෙරට ඇදෙන්නේ ආදරයයි
පාව ඇදෙන මදනල අතරේ
කොඳුරන්නේ ඒ ආදරයයි
කඩා වැටෙන කඳුලැල් අතරේ
සිනා නඟන්නේ ආදරයයි
මිහිර මවන්නේ පැතුම් සදන්නේ
සිහිනෙක රැඳෙනා ආදරයයි .
වෙරළත රැල්ලක ඉකි බිඳ හඬනා
නාදය වන්නේ ආදරයයි
තුරුලිය නැළවී සැලෙනා පවනේ
ගයනා ගීතය ආදරයයි
තරු මල් හිනැහී සිත්මල් පිබිදී
හද සනසවනා ආදරයයි
සඳ රැල්ලක සොමි ගුණ හද කැටි වී
සිහින මවන්නේ ආදරයයි .
තුසර බිංදු සේ හිමිදිරි උදයේ
පිවිතුරු වන්නේ ආදරයයි
මියුරු සිංදු සේ සියොතුන් ගයනා
කන්කළු රාවය ආදරයයි
සොඳුරු ලන්දු නෙත් කැල්මෙන් පිබිදී හදවත සැලෙනා ආදරයයි
කඳුළු බිංදු ගෙනදී හැමදාමත්
සිත රිඳවන්නේ ආදරයයි .