අරගලයට ජය
2022-May
ලෝකේ උතුම් රටක් ලෙසට හදුන්වාපු
පෙර දිග මුතු ඇටය ලෙසට නම් දරාපු
ඉවත දමන දඩුව වුවද ලියලා ආපු
රටක් තිබුනා ඉස්සර ලොව බබලවාපු
එහෙව් රටට වෙලා තියෙන
දේ දුටුවම දුකයි අපට
හොරා කාපු සල්ලි නැවත ලබා ගන්න
රට කෑ මේ හොරු ටික පන්නා දමන්න
අප මව්බිම මේ ශාපෙන් මුදව ගන්න
ලොව බලවත් නායකයිනි පිහිට වන්න
ලැජ්ජාවක් ගෑවිලා නම් නෑ මුන්ට
එපා කියද්දිත් මිනිසුන් මේ ලෙසට
වගේ වගක් නෑ උන් ඉන්නවා යසට
හැඳි ගෑවිලා පලයව් තොපි එක පෙලට
හොරු රැල පන්නා දමන්න
එකාවගේ එකතු වන්න
වලට වැටුණු රට ආපසු ගොඩට ගන්න
පක්ෂ පාට අමතක කර හිතට ගන්න
එක හිත නැති නම් බෑ කිසිවක් කරන්න
එන්න ඇවිත් අරගලයට එකතු වන්න
හිත ඇත්තම් පත කුඩාද කියල කියන
කියමන මිනිසුනි හොද හැටි හිතට ගන්න
දියවන්නාවේ හොරු ටික පන්න ගන්න
රටේ සැවොම එක තැනකට එකතු වන්න
එකතු වුනොත් එකා වන්ව
පුලුවන් මුන් එළවගන්න