දහසක් පත් මැද
වන වදුලේ
මිහිරිතාවයන් අතරේ
පළල් උරතලයක් හිමි
ගැඹුරු හරිතවන් පතක් විය

ඒ පත ඇලුම් කළා රැයට
රැය හා එළඹෙන
සොඳුරුතාවයන්ට

කුරුලු කිචි බිචිය තුනීවී
උදාවන සාමයේ
නිහඬතාවය ට

කඩුපුල් සුවඳට
හිමිදිරියේ පිණි වැටෙන
රිද්මයට

පින්න ඝන වී
සියොළඟ පුරා
දිය බිඳු මතු වී
දැනුණු කිතියට

අසල්වාසි
දිය බිඳු දෙකක්
පෙමින් බැඳී සිට
දිගු මොහොතක්
සමීප වී සමීප වී
එක් වරම එක් වී
මතුපිට ගලා යන
ස්පර්ශයේ මෝහනයට

දිවිය මෙතරම්
මිහිරි වෙද

Photo credit ; Jessica Wong