අම්මා ගැන සිහිවටනයක්

මාලිනී වික්‍රමනායක - කොළඹ
මාලිනී වික්‍රමනායක - කොළඹ
2021-September

වෙල්යායක කොනක ඇති එලවලු කොටුවේ
මුත්තා වැඩ කරන බව
අම්මා දුටුවේ
හනිකට ඇවිත් උණු උණු
ආප්පත් හැදුවේ
ඒ ටික අරන් යන්නට
මට අණ කෙරුවේ

නියරේ දෙපැත්තම
වී කරලින් වැහිලා
පින්නට මගේ ගවුමත්
හොඳටම තෙමිලා
මුත්තට දුන් ආප්ප ද
පසෙකින් තියලා
දුන්නා පලා එලවලු
මිටියක් බැඳලා

වැටි වැටි නොවැටි නියරෙන් වේගෙන් ඇවිදින්
අම්මට දුන්නු එලවලු ගත්තේ සතුටින්
අසමින් මුත්තගේ වගතුග පිය සෙනෙහෙන්
රසකර අපට උයලා දුන්නා මොහොතින්